虽然是做电视咯，不过勿好意思，电视倒是不大看咯。第一趟听到师洋迭咯名字，还是阿拉小阿姨来电话：“现在有只小鬼头，好白相得不得了。我每个礼拜等勒嗨看伊。笑死脱勒……”

　　我问海上白相人小宝，最近《三人麻辣烫》有啥选题好做做？小宝眼睛一翻：“做师洋呀！”咳，师洋连老男人也不放过。

　　请师洋来南京路演播厅录像那天，事先并没做宣传，玻璃门外头，里三层外三层，时不时有人尖叫。“三人麻辣烫”节目开播以来最多咯一趟。”老林有点落寞：“是口伐？伊拉赞是来看师洋咯。”

　　师洋男女老少通吃，到底为啥？我以为，伊咯秘诀有三：

　　一．师洋当然是靠“搞怪”、“百变”咯绝招取胜。电视高头唱来唱去，男咯终归唱不过张国荣、张学友，女咯终归唱不过邓丽君、王菲，再唱也唱勿出啥个花露水。师洋勿拼唱功，剑走偏锋，学伊拉“师傅”孙悟空，边唱边来个“七十二变”，一歇变一样物事，多少好白相。伊自家来了《麻辣烫》里讲：“我始终把我的观众当成是第一次看我节目，我只有调动起一切道具，一切手段，才能吸引观众的眼球。毕竟这是一个崇尚‘眼球’经济的时代。”此为“天时”。

　　二．师洋性格特别“上海人”。上海人崇尚咯勿一定是浑身名牌，珠光宝气（迭咯是“俗气”），上海人最服贴咯是“化废为宝”———花最少咯钞票穿得“弹眼落睛”。师洋讲自己最喜欢去城隍庙帮七浦路，迭咯都是上海工薪阶层最欢喜去咯地方。师洋在《麻辣烫》里指指自家外套50块，贴身T恤30块。便宜口伐？一点也不觉着“坍台”。这是“地利”。

　　三．真诚。采访过咯明星大多做作，越大咯明星越做作，讲到自家出身支支吾吾，王顾左右而言他。迭个还算好咯，碰到过一个做梦都想出名咯小女人，一歇讲伊外公参加过飞虎队，一歇讲伊爷爷是毒药专家，简直臆想狂。侬祖上哪能，搞侬搭啥界？师洋在节目里张口就讲自己咯爸爸是幼儿园里扫地咯，妈妈是轴承厂女工，后来为了照顾伊回去当裁缝。有啥拉？迭个是“人和”。